منيرة السليم*

‏في الليالي الوضح

‏والعتيم الصبح

‏لاح لي وجه الرياض

‏في مرايا السحب

‏كفها فلة جديلة من حروف

‏وقصة الحنا طويلة في الكفوف

‏من نده عطر الرفوف لين صحاه

‏في ثيابك يا ألف ليله وفي الهبوب

‏انثنينا يا هبوب النعاس والحلم

‏ألف غصن من اليباس

‏فز لاجلك وانثنى

‏اكسري الاوهام كاس

‏وان عشقتيني انا

‏ما ابي من الناس ناس

‏ما علينا لو طربنا وانتشينا

‏آه ما ارق الرياض تالي الليل

‏أنا لو ابي

‏خذتها بيده اومشينا

‏يا نصيبي من الصور والرسايال

‏ومن كل شمس قايمه ومن كل ظل مايل

‏يا مكاني من البيوت

‏ومن الصحاري اللي فرقت فكري قبايل

‏اقبلي مثل ديم

‏مثل نار في هشيم

‏من غصون الضي من ليل الغضى

‏وبين ما خلى من النخيل الفضا

‏وما نسى الغيم

‏وين احب الليله وين 

‏وين احب ووين اهيم

‏ارفعي طرقة الشيله عن سديم

‏وكوكب وهاج

‏اجرحيني بنصل طرف سادر وحجاج

‏شقيقيني يا رياح العارضية

‏لين أغني الهوى ما هو خطي

لوحة التشكيلية منيرة السليم